Сарапшының пікірі

11 August 2018

Ақтау саммиті алдында Каспий маңы елдерінің Сыртқы істер министрлері арнайы жұмыс тобының отырысы өтті. Кездесуге Қазақстан, Ресей, Түркіменстан, Иран және Әзірбайжан елдерінің өкілдері тыңғылықты дайындықпен келген. Стратегиялық тұрғыдан алғанда тараптар үшін Конвенция аса маңызды. Ертең бес президенттің қолы қойылатын құжат өзара ынтымақтастықтың жаңа кезеңінің бастауы болмақ. Нәтижесінде биылдан бастап Каспий маңы елдерінің өзара ынтымағы артып, экономиканың дамуына тың серпін береді деп айтуға негіз бар.

01 August 2018

Түркістан облысы бүкіл еліміздің бренді бола алатындай мақта шығаруға мүдделі. Қазақстанда тоқыма және тігін өнеркәсібі ішкі нарықты тек 10 процентке ғана қамтамасыз ететінін ескерсек, мақта өнеркәсібін дамыту маңызды болып табылады. Сондықтан егіс алқаптары жыл сайын артып келеді.

27 July 2018

Қырғыз республикасы - Еуразиялық экономикалық Одақ елдері арасындағы ең кішкентай экономика. Ондағы жан басына шаққандағы ЖІӨ 1100 доллардан сәл ғана асады. Cалыстырайық. Арменияда бұл көрсеткіш үш есеге, Қазақстанда 6,5 есеге, ал Ресейде 8 есеге артық. Дегенмен, соңғы жылдары Қырғыстан экономикасының өсімі, экономикалық одақ кеңістігінде ғана емес, жалпы ТМД аумағында жоғары болып отыр. (спикерлер: С. Домнин - ӘЭСИ сарапшысы)

26 June 2018

Түркияда өткен Президент сайлауының алғашқы кезеңі биліктегі мемлекет басшысы Реджеп Ердоғанның жеңісімен аяқталды. Президент лауазымындағы қызметінің екінші мерзімін бастайтын саясаткер сайлауда 31 пайыз қолдау жинаған қарсыласы Мұхаррем Инжені 53 пайыз көрсеткішпен басып озып, елді 2023 жылға дейін басқару мүмкіндігін алды. Сайлау комиссиясының басшысы Сади Гювеннің пікірінше, дауыс беру бюллетендерінің 99 пайызы есепке алынған. Сондықтан қолда бар қорытындыларға сүйеніп, Реджеп Таиб Ердоғанды айқын басымдықпен жеңіске жетті деуге толық негіз бар.

26 June 2018

Қазақстан Республикасының Тұңғыш Президенті қорының жанындағы Әлемдік экономика және саясат институты (ӘЭСИ) Алматыда дөңгелек үстел ұйымдастырып, осы отырысқа қатысушылар қазақ тілінің латын қарпіне көшу мәселесіне байланысты бірқатар өзекті мәселелерді талқыға салды.

20 June 2018

Елімізде тағы бір әкімшілік аймақ - Түркістан облысының пайда болуы қазір қоғамда қызу талқыланып жатыр. Облыс орталығы статусы Түркістан қаласына ауысып, Шымкенттің республикалық маңызға ие қала атанғаны белгілі. Ал бұл жаңа әкімшіліктердің болашағы қандай? Қай салаларға басымдық беріледі?

13 June 2018

АҚШ пен Корей Халық Демократиялық Республикасының басшылары кездесіп, екі ел арасын­дағы қордаланған мәселелерді талқы­лады. Бұл – екі елдің іс басындағы президенттерінің тұңғыш кездесуі. Дональд Трамп пен Ким Чен Ын жүздескен Сингапур саммитінің басты тақырыбы ҚХДР-ды ядролық қарудан тазарту мәселесі болды.

Жұмабек Сарабек, Әлемдік экономика және саясат институтының сарапшысы.

13 June 2018

Антон БУГАЕНКО, Қазақстан Республикасының Тұңғыш Президенті қоры жанындағы ӘЭСИ сарапшысы: «Ұйымның салмағы артты».

13 June 2018

ШЫҰ-ның мүше елдерінің экономи калық байланыстарының тереңдей бастауына қатысты тауарлар мен қызмет түрлеріне қолжетімділікті ортақ жеңілдету бағдарламасын əзірлеу – Циндао қаласында өткен ұйым саммитінің маңызды қорытындысы болып отыр. Жалпы соңғы жылдары ШЫҰ өз қызметінің экономикалық бөлігін бұрынғыдан бетер жандандыра түсуде. Бұл заңдылық. Өйткені ұйым мүшелері арасын дағы өзара экономикалық байланыстар күшейе түсуде.

Беттер